Wasiirka wasaaradda awqaafka iyo arrimaha diinta ee xukumadda federaalka Soomaaliya, Sheekh Nuur Maxamed Xasan ayaa maanta oo Isniin ah ku dhowaaqay in la xiro dhamaan Dugsiyada Qur’aanka Kariimka ah muddo Laba Todobaad ah si looga hor tago faafidda Cudurka Coronavirus.
Hadalkan ayuu Wasiirka ka jeediyay kulan wada tashi ahaa oo ay yeesheen mus’uuliyiinta Wasaraadda awqaafka iyo arrimaha diinta ee Xukumadda Federaalka Soomaaliya iyo qaar ka mid ah culimaa’udiinka Soomaaliyeed ayaa sidoo kale lagu joojiyay in la furo goobaha kale ee lagu barto culuumta diiniga ah.
Guddoomiyaha majmaca culumada Soomaaliyed, Sheekh Yuusuf Cali Caynte ayaa kulanka ka sheegay talada ugu fiican ee looga hortagi karo cudarkan in ay tahay Alla bari caam ah oo ay Bulshadu sameeyso, iyadoo aan meesha laga saarin talooyinka ay bixisay Wasaaradda caafimaadka Soomaaliya.
