Deeqdaan lacageed oo ay Dowlada Federaalka Soomaaliya ugu talagashay Waxka-qabashada saamaynta Fataahada qaybna ka ah Gurmadka loogu talagalay Dadka ay saameeyeen Biyaha Wabiga iyo daadadka roobka ayaa maanta si rasmi ah loogu wareejayay Gudiga Gurmadka Fatahaada ee Degmada Baardheere iyo Maamulka Gobalka Iyo kan Degmada Baardheere oo gaaray $200,000 (Labo boqol oo kun oo dollar).
Waxaana Goob joog ahaa munaasabada lagu wareejinayay Lacagtan qaybaha kale duwan ee Bulshada Gudiga Fatahaadaha Degmada Masuuliyin ka socday Dowlada Federalka Xafiiska Madaxweynaha Jamhuriyada Masuuliyinta Maamulada Gobalka iyo kan Degmada.
Ahmed Maxamed Afi oo ah la taliyaha Siyaasada iyo qorshaynta Madaxtooyada Soomaaliya ayaa Gudiga fataahada Degmada Baardheere kula dardaarmay in la gaarsiyo dadka loogu talagalay Lacatan.
Maxamed Wali Cabdulaahi Yuusuf Gudoomiyaha Degmadan Baardheere iyo Gudomiye ku xigeenka koobaad ee Gobalka Gedo Cusman Nuur Xaaji ayaa dhankoda soo dhaweeyay Deeqdan maanta lagu wareejiyay.
Cabdiqafar Hasan Cilmi Agaasimaha Siyaasada iyo Qorshaynta Wasaaradda Gargaarka iyo maaraynta Masiiboyinka ayaa Bulshada uga warbixiyay Qorshaha Wasaaradda Gargaarka ee Arrimaha Fatahaadaha wabiyada Dalka.
Ugu dambayn Wasiir ku xigeenka Wasaarada Batroolka iyo macdanta Xukuumadda Mudane Maxamuud Cabdiqaadir Hilaal oo soo xiray Munaasabada ayaa bulshada Baardheere la wadaagay Daalada wax ka qabashada Saamaynta ka dhalatay Fatahaadaha iyo Daadadka Roobka.
