Dowlada Federaalka Soomaaliya ayaa maanta dalka dib ugu soo celisay dhallinyaro tahriibayaal ah, kuwaasi oo muddo ku xirnaa Xabsiyada dalka Liibiya.
Related posts
Dhallinyarada oo gaaraya 14 qof waxa ay ka kala tahriibeen Muqdisho, Garowe, Hargeysa iyo Jigjiga,ย iyagoo dhawr sano ku xirnaa Xabsiyo kuyaala dalka Liibiya, halkaasoo ay ku heysteen kooxaha Dadka qafaasha ee Magafayaasha ah.
Waxaana maanta Nasiib ay u yeesheen inay dib dalkooda ugusoo laabtaan kadib markii ay arintaas Dadaal wayn ugashay Dowladda Soomaaliya gaar ahaan Danjire Maryam Yaasiin oo ah Ergeyga gaarka ah ee Xuquuqda Carruurta iyo Tahriibayaasha ee Xafiiska Raโiisalwasaaraha.
Markii ay soo gaareen magaalada Muqdisho waxaa si heer sare ah usoo dhaweeyey Mas’uuliyiin ka socotay Xafiiska Ergeyga gaarka ah ee xuquuqda Carruurta iyo tahriibayaasha ee Xafiiska Raโiisal wasaaraha, Madaxda Hayโadda Qaxootiga Qaranka iyo barakacayaasha, guddiga dib usoo celinta Tahriibayaasha ee Dowladaย iyoย Wakiilo matalayey hayโadda Socdaalka Aduunka ee IOM.
Qaar kamid ah dhallinyaradi soo noqday maanta oo la hadlay Warbaahinta Qaranka Soomaaliyeed ayaa sheegay inay ku faraxsanyihiin dib ugusoo laabashada dalkooda, iyagoo u mahadceliyey Madaxda Qarankaย iyoย Ambassador Maryan Yaasiin Doorkooda Ku aadan soo sii deyntooda. waxayna ka sheekeen dhibaatadii ay kalasoo kulmeen Dalka Libiya.
Ma ahan markii ugu horeysay oo dhalinyaro tahriibayaal ah lagusoo celiyo Dalkooda hooyo, waxaana ka horeeyey dhalinyaradan kuwaย oo kale oo tahriibayaal ah kuwaasoo Dowlada Soomaaliya ay dadaal wayn ugashay sidii ay ugasoo sii deyn laheyd Xabsiyada Dalka Liibiya.
