Wasaaradda Awqaafta iyo Arrimaha Diinta Xukuumada Federalka Soomaaliya ayaa shaacisay in maalinta berri la dhameytirayo 30-ka Bisha barakeysan ee Ramadaan.
Wasaaradu waxa ay sheegtay in aan maanta la arag Bisha Shawaal ee Sanadkan 1443, ayna waajib tahay in la dhamaystiro 30-ka bisha Ramadaan.
Maalinta Ciidda ayaa waxa ay noqonaysaa Maalinta Isniinta ee soo socota ee taariikhduna ay ku beegantahay 2 May, 2022, sidoo kale wadamada Islaamka oo ay ka mid tahay boqortooyada Sacuudi Carabiya ayaa waxa ay sheegeen in bisha Ramadaan Sanadkaan 1443 la dhameysan doonaa 30 maalmood.
Arrintan ayaa ka dambeysay markii culimaa’udiin iyo xubno ka tirsan Wasaaradda Awqaafta ay dadweynaha kala hadlayeen Warbaahinta Qaranka, kuwaasi oo xiriiro kala duwan la sameeyay culimo ku kala sugan gobollada dalka, mana jirin meel ka mid ah oo laga arkay bisha, sidaas ayayna ku shaaciyeen in berri tahay maalin soon ah.
