Xeer ilaaliyaha Guud ee Qaranka iyo Qareeno Dowladda Somaaliya ay u xilsaartay Dacwadda ku saabsan muranka dhinaca badda ee u dhexeya Somaaliya iyo Kenya oo gaaray wadanka Holland ayaa beri oo Isniin ah dacwad ka dhan ah Kenya u gudbinaya maxkamada caalamiga ah ee cadaalada ee fadhigeedu yahay magaalada Hague.
Axmed Cali Daahir oo la hadlay laanta Afka Soomaaliga ee VOA-da ayaa sheegay in kalsooni weyn ay ku qabaan in berri ay Maxkamadda u gudbin doonan dacwadda ku saabsan muranka xagga badda ee Kenya iyo Soomaaliya, isagoo xusay in Kenya ay ku xadgudubtay badda Soomaaliya
โDacwadaan muddo labo sano ah ayaa laga soo shaqeynayay, waxaan jeclaan lahaa in ummadda Soomaaliyeed ay dowladda ku kalsoonaadaan iyo dadka u matalaya dacwadda, waxaan ummadda ugu bishaareynayaa in dacwaddu ay tahay mid ay ku helayaan xaqooda, waxaana heysanaa kalsooni weyn oo ah in kiiskan uu yahay mid aan ku guuleysanaynoโ ayuu yiri Xeer Ilaaliyaha.
Xeer ilaaliyaha ayaa xusay in markii ay maalinta berrito ah u gudbiyaan maxkamadda, uu la wadaagi doono waxyaabaha ka soo baxa shacabka Soomaaliyeed, waxaana uu intaa ku daray in dacwadda oo dhameystirin ay gudbin doonaan.
