Agabyadan oo isugu jirta dawooyin, Combiyuutero, qaboojiyeyaal iyo qalab kale ayaa maamulka Isbitaalka Ciidanka Xoogga dalka waxa ay kala wareegeen saraakiisha ciidamada Talyaaniga ee qeybta ah ciidanka Midowga Yurub ee u jooga tababar siinta ciidamada qalabka sida ee Soomaaliya , isla markaana loogu talagalay in kor loogu qaado adeegyada uu isbitaalka u hayo ciidanka.
Munaasabadii qalabkan ay kula wareegayaan maamulka Isbitaalka waxaa ka qeyb galay saraakiil ka tirsan ciidamada Xoogga dalka iyo kuwa ka socday dowladda Talyaaniga, waxaana ugu horeyn goobta ka hadashay Agaasimaha Isbitaalka Ciidanka xoogga dalka Drs Khadiijo Iimaan Ceynte oo tilmaamtay in qalabkan uu ku soo aaday xilli loo baahnaa…
Korney Giuseppe Fabri oo ka mid ah saraakiisha qalabkan loo soo wakiishay ayaa sharaxaad ka bixiyay waxyaabaha uu ka koobanyahay qalabka, ayna joogteyn doonaan ka qeyb qaadasha qalabeynta isbitaalka.
Dowladda Talyaaniga ayaa iminka wado howlo dib u dhis loogu sameynayo Isbitaalka Xoogga Dalka.
