Bayaan kasoo baxay Wasaaradda arrimaha dibedda ee Dalka Turkiga ayaa si weyn loogu cambaareeyay weeraradii xalay ka dhacay magaalada Muqdisho oo ay Dad badani ku dhinteen.
โNaxariista Alle ayaan u rajeyneeynaa kuwa ku geeriyooday weerarrada, waxaan u tacsiyeyneeynaa Qoysaska ay Dadkoodu weerarrada ku dhinteen,kuwa dhaawacmayna Alle ayaynu caafimaad deg-deg ah ugu rajeynaynaaโ ayaa lagu yiri warka kasoo baxay Wasaradda arrimaha dibedda ee Turkiga.
Dowladda Turkiga ayaa sheegtay inay joogtayn doonto Garab istaagga Dowladda iyo Dadka Soomaaliyeed ee ay walaaltinimadu ka dhaxayso, kuwaasoo wajahaya bay tidhi weerarro argagixiso.
Dableey ka tirsanayd Al-Shabaab ayaa Laba Gaarii oo Miineysan Maqribnimadii Xalay ku weerartay goob u dhow xarunta dhexe ee nabad sugidda Qaran iyo Madaxtooyada Soomaaliya, kuwaasoo iska caabin xooggan kala kulmay ciidanka ammaanka.
Wasiirka arrimaha gudaha iyo amniga Soomaaliya, Maxamed Abuukar Isloow, ayaa sheegay inay xoogagga ammaanku dileen dhammaan dableeydii weerarka soo qaatay oo ka koobnayd Shan xubnood.
Isha/ Daily News
