Cabdiraxmaan Xasan Cawaale Dr Xabeeb oo la hadlay Radio Muqdisho ayaa xusay inay soo kordhayaan bukaanada la xanuunsanaya dhimirka, kuwaasi oo uu ku sheegay inay u badanyihiin dhallinyaro ka hooseyso da’dooda 20 sano jir, ayna muhiimtahay in dowladda ay u istaagto sidii dadkaasi loogu heli lahaa goobo lagu daryeello
Mahad Cumar oo ka mid ah dhalinta ku dhaqan dalka Finland isla markaana Muqdisho u yimid sidii uu ugu kuur geli lahaa xarumaha uu Dr Xabeeb dadka ku daweeyo, ayaa hoosta ka xariiqay inay gacan ka geysan doonaan sidii Dr Xabeeb looga taageeri lahaa in uu helo goobo ka weyn meelaha uu iminka bukaanada ku qaabilo, si ay u helaan adeegyo dhameystiran.
Cabdiraxmaan Xasan Cawaale Dr Xabeeb ayaa codsaday in dowladdu ay siiso dhul weyn oo ay ka dhigtaan xarun dadka dhimirka la’ lagu dabiibayo, maadaama uu Madaxweynaha Jamhuuriyadda Soomaaliya kal hore soo jeediyay in dhakhtarka uu mudanyahay in la siiyo dhul uu ka dhigto meel dadka lagu daweeyo.
Dr Xabeeb ayaa xarumo caafimaad oo dadka qaba xanuunada dhimirka lagu daweeyo ku leh Muqdisho iyo qaar ka mid ah gobollada dalka, isagoo dhawaan xarun ka furmtay magaalada Caabudwaaq ee gobolka Galgaduud, halkaasi oo ka mid ah goobaha caafimaadka ee lagu daweeyo bukaano badan.
