Inaa Lillaahi Wa inaa Ileehi Raajicuun.
Guddoomiyaha gobolka Banaadir ahna duqa Magaalada Muqdisho Mudane Cumar Maxamud Maxamed (Cumar Filish) ayaa ka tacsiyadeeyay dadkii ku geeriyooday qaraxii galabta ka dhacay Maqaaxi kutaala degmada Wadajir.
Duqa Magaalada Muqdisho Mudane Cumar Filish ayaa falkaasi Gurracan ku tilmaamay mid ka fog Islaamnimada iyo Bini’aadanimada islamarkaana kooxaha Argagixisada ay caadeesteen daadinta dhiiga dadka Muslimka ah ee aan waxba galabsan, iyagoo ku soo gambanaayo Diinta Ismaalamka oo ah mid naxariis badan oo nabadgalya ah.
Guddoomiyaha Gobolka Banaadir ahna duqa Magaalada Muqdisho Mudane Cumar Maxamud Maxamed (Cumar Filish) waxa uu ilaahey ugu baryay inuu Naxariistiisa Jano ka waraabiyo walaalihii Soomaaliyeed ee ku shahiiday falkaasi bahalnimada ah ee galabta ka dhacay degmada Wadajir, sidoo kale waxuu Caafimaad deg deg ah u rajeeyay dadkii uu dhaawaca soo gaaray.
Ugu danbeyn duqa Magaalada Muqdisho ayaa ugu baaqay bulshada Gobolka Banaadir in ay si wadajir ah ugu midoobaan la dagaalanka Argagixisada si ummada ay ugu noolaadan Nabad iyo Horumar.
