Maamulka dagmada Gaalkacyo iyo Wasaaradda haweenka iyo xuququl Insaanka Galmuudug ayaa maanta Qoys Soomaaliyeed oo danyar ah kuna dhibaateeysnaa Muddooyinkii u danbeeyay Magaalada Gaalkacyo kadib markii ay, isaga soo hayaameen deegaanka Xingod oo ay horray ugu noolaayeen kuwa wareejiyay hoy ay ku noolaadaan taas oo wax weyn ka badali karta nolasha qoyskaasi .
Xasan Xuseen Sahal oo ah aabaha Qoyskaan danyartaa ee maanta guriga lagu wareejiyay ayaa u Mahadceliyay Maamulka Degmada Gaalkacyo iyo Wasaaradda haweenka iyo xuquuqul Insaanka Galmudug ee Guriga u dhistay. Isagoo dhanka kalana ka warbixiyay xaaladdooda nolaleed .
Duqa Degmada Gaalkacyo Mudane Cabdiraxmaan Shiikh Xasan oo ay Weheliyaan Madax ka Socota Wasaaradda Haweenka iyo Xuquuqul Insaanka Galmudug iyo Wakiilo ka Socday Hay’adda Hare ayaa ku wereejiyay Qoys Danyar ah oo Muddo ku dayacnaa Gaalkacyo kana yimid Miyiga Deegaanka Xingod Furayaasha Guryo Dhameystiran oo ay u dhistay Hay’adda Haro.
