Duqa Degmada Gaalkacyo Mudane Cabdiraxmaan Sheekh Xasan oo ay wehliyaan Xoghayaha Dowladda Hoose Mudane Cabdisalaan Sheekh Salaad iyo Agaasimaha Shaqada, Shaqaalaha iyo Tababarada Dowladda Hoose Cabdikaafi Cabdullaahi Cadceed ayaa kulan gaar ah oo lagu dardar gelinayo shaqada Dowladda Hoose la qaatay Guddoomiyeyaasha , Guddoomiye Ku xigeennada , Xoghayaasha , Guddoomiye Laameedyada iyo Guddoomiyaasha Falarada Shanta xaafadood ee Degmada Gaalkacyo.
Maamulada xaafadaha Horumar, Garsoor , Wadajir , Hawlwadaag iyo Horseed ayaa laga dhageystay ugu horeyn warbixin guud oo la xiriirta xaaladda xaafadaha sida Nadaafadda , Amniga , wada shaqaynta bulshada iyo furista Waddooyinka , waxayna dhamaan guddoomiyeyaasha Xaafaduhu soo bandhigeen waxyaabaha u qabsoomay iyo caqabadaha hortaagan.
Related posts
Duqa Degmada Gaalkacyo Mudane Cabdiraxmaan Sheekh Xasan ayaa ku amray Maamulada xaafadaha ka dhabaynta shaqada adag ee hortaala iyo waajibaadka loo igmaday sida ka shaqaynta Nadaafadda iyo bilicda xaafadaha oo ay furista Waddooyinku ugu horeeyaan .
Guddoomiye Cabdiraxmaan ayaa sheegay in aan la aqbali karin nadaafad darro iyo qashin dhex yaala xaafadaha, isagoo faray Guddoomiyeyaasha xaafadaha in ay kala shaqeeyaan laamaha Amniga xasillinta Amniga guud ee Gaalkacyo si gaar ah ka hortagga iyo soo qabashada kooxaha burcadda ah ee Ciyaal weerada.
