Duqa Dagmada Gaalkacyo Mudane Cabdiraxmaan Sheekh Xasan ayaa maanta Xafiiskiisa ku qaabilay Saraakiil Ka socatay Hay’adda IOM, kuwaa oo uu hogaaminayay Madaxa hey’adda IOM Mr James.
Duqa Dagmada Gaalkacyo Mudane Cabdiraxmaan Sheekh Xasan ayaa soo dhaweyn kadib kulan la yeeshay Saraakiishii ka socatay labada Hay’adood waxaana kulanka uu ahaa mid looga hadlayay xaaladda ay ku nool yihiin Barakacayaasha ku nool iyo baahiyadooda la xariira Dhanka Hoyga Biyaha Caafimaadka iyo Amniga
Duqa Dagmada Gaalkacyo Mudane Cabdiraxmaan Sheekh Xasan ayaa saraakiishii ka socatay hay’adaha Qaramada Midoobay siiyay warbixin dhameystiran oo ku saabsan qodabadii kulanka looga wada arinsanayay, isagoo xusay in ay jiraan baahiyo la xariira adeegyada lama huraanka u ah nolasha aadanaha oo ay dhankooda ka qabaan barakacayaasha
Kulanka kadib ayaa Duqa Dagmada Galkacyo Mudane Cabdiraxmaan Sheekh Xasan iyo Saraakiishii kulanka la qaatay waxa ay kormeer ku tageen Qaar ka mida Xeryaha Barakacayaasha, iyagoo warbixin ka dhageystay Guddoomiyaaasha Kaamamka ay kormeerka ku tageen kuwaa oo ka warbixiyay xaaladda ay ku nool yihiin, waxa loo qabtay iyo baahiyada ay qabaan
