Guddoomiyaha gobolka Banaadir ahna duqa magaalada Muqdisho mudane Cumar Maxamud Maxamed (Cumar Filish) ayaa Xarunta aqalka dowlada hoose ee Xamar ka daah-furay tababar socon doona muddo 5-Cisho ah kaas oo lagu baranayo muhiimada uu talaalka u leeyahay carruurta.
Tababarkan ayaa waxaa soo agaasimay waaxda caafimaadka iyo Faya-dhowrka Dowladda hoose ee Xamar iyadoo ay ka qeybgali doonaan howl-wadeena ka socda M.C.H-yada ku yaalla degmooyinka gobolka Banaadir iyo sidoo kale xubna ka socda heyโadaha UN-ka,UNICEF iyo W.H.O.
Guddoomiyaha gobolka Banaadir ahna duqa magaalada Muqdisho mudane Cumar Maxamud Maxamed (Cumar Filish) ayaa waxa uu boggaadiyay daโdaalada kor loogu qaadayo wacyigalinta Talaalka.
โWaxaan marwalba u taaganahay xoojinta daryeelka carruurta Soomaaliyeed iyo sidii ay u heli lahaayeen nolol ku haboon, ka maamul ahaan waan boggaadineynaa in la dardargaliyo wacyigalinta, muhiimada uu bulshada u leeyahay Talalka sidoo kale in degmooyinka Muqdisho laga fuliyo Talaal tayo lehโayuu yiri duqa Muqdisho.
