Guddoomiyaha Gobolka Banaadir ahna Duqa Muqdisho Mudane Yuusuf Xuseen Jimcaale (Madaale) ayaa daahfuray ololaha bilic soo celinta iyo Nadaafadda Caasimadda, kaas oo ay si wadajir ah ugu qeyb galeen maamulka Gobolka Banaadir, Howlwadeennada Dowladda Hoose ee Xamar, Shirkadda Nadafadda Ifi iyo Maamulada Degmooyinka.
Daahfurkan ololahan waxaa goob Joog ka ahaa Guddoomiye ku-xigeenka howlaha guud ee maamulka Gobolka Banaadir, maamulada degmooyinka iyo qeybaha kala duwan ee bulshada, iyadoo howlahani nadaafadeed uu qeyb ka yahay u diyaar garowga Munaasabadaha isasaaran ee Maalmaha Xorriyadda iyo Ciidul Adxa.
