Guddoomiyaha Gobolka Banaadir Ahna Duqa Magaalada Muqdisho Mudane Yuusuf Xuseen Jimcaale (Madaale) ayaa maanta deeq lacageed oo Ciid siin ah siiyay qaar kamid Muwaadiniinta Syria ee kunool Magaalada Muqdisho si ay uga faaideystaan ka qeyb qaadashada farxada Ciidul Fidriga.
Guddoomiye Madaale ayaa qoysaska Syria-ka ku qaabilay xarunta Aqalka Dowladda Hoose ee Xamar isagoo deeq daasi lacageed kadib u sheegay in Soomaaliya iyo Syria ay yihiin ummad walaala ah islamarkaana ay ka dhaxeyso xiriir wanaagsan oo soo jireen ah.
Duqa Magaalada Muqdisho Mudane Yuusuf Xuseen Jimcaale (Madaale) ayaa ugu baaqay Ganacsada Soomaaliyeed iyo dadka ilaahey wax siiyay in ay kaalin ka qaataan garab istaaga Walaalaha Syria ee kunool Caasimadda.
