Duqa Magaalada Muqdisho ahna guddoomiyaha Gobolka Banaadir, Mudane; Cabdiraxmaan Cumar Cismaan (Eng; Yariisoow) ayaa Magaalada Geneva ee Dalka Switzerland kula kulmay Duqa, Magaalada Bristol ee Dalka Ingiriiska, Marvin Rees.
Labadan mas’uul oo ay ka wada qeybgalayay shirweynaha caalamiga ah ee arrimaha barakacayaasha Dunida, ayaa waxay si qoto dheer uga wada hadleen xiriirka Labada Magaalo ee Muqdisho iyo Bristol
Mudane, Yariisoow, ayaa inta uu halkaasi ku sugan yahay wuxuu sidoo kale kulamo la qaadan doonaa madaxda ka qayb gashay shirka, iyagoo ka wada hadli doona sidii loo sii xoojin lahaa xiriirka ay Soomaaliya la leedahay Dunida inteeda kale, loona dar-dar gelin lahaa howlaha horumarineed ee ka socda Gobolka Banaadir.
