Guddoomiyaha Gobolka Banaadir ahna Duqa Magaalada Muqdisho Mudane Yuusuf Xuseen Jimcaale (Madaale) ayaa Haweenka Gobolka Banaadir kala qeybgalay Bandhig Dhaqameed kooban oo ay ku qabteen xarunta Aqalka Dowlada Hoose ee Xamar, kaasi oo ay kusoo Bandhigeen cuntooyinka kala duwan ee dalkeena ka baxa iyo Agabyo ka turjumaya Astaamaha Hidaha iyo dhaqanka suuban ee Soomaalida.
Guddoomiye Madaale oo ay wehlinayeen Kuxigeenada Maamulka Gobolka Banaadir, Xoghayaha Guud, Guddoomiyaha Ururka Haweenka Gobolka, Xildhibaano iyo Mas’uuliyiin kale ayaa Haweenka kula dar-daarmay xoojinta dhaqanka iyo ka qeyb-qaadashada, Xasiloonida, Bilicda iyo Horumarka Caasimada.
