Guddoomiyaha Gobolka Banaadir Ahna Duqa Muqdisho Mudane Yuusuf Xuseen Jimcaale (Madaale) oo uu Wehliyo guddoomiye ku-xigeenka howlaha guud ee Maamulka Gobolka Banaadir ayaa kormeeray waddooyin dhaxmara degmooyinka Cabdicasiis, Warta Nabadda iyo Via Lebaria ee degmada Waabari oo ay ka socdaan mashaariic Laami lagu saarayo waddooyinkaas.
Ujeed ka kormeerkan ayaa ahaa mid uu Duqa Magaalada Muqdisho ugu kuur galaayey habsima u socodka dhismaha Laamiga lagu saarayo waddooyinkaasi oo hal bowla u ah isku socodka magaalada iyo bilicda Caasimadda.
Guddoomiye “Madaale” ayaa sidoo kale u diray digniin dadka sida sharci darada ah u dhistaan harreeraha laamiyadda,iyo kuwa Waddooyinka harreerisa soo dhiggaan qashinka ay ku isticmalaan guryaha,Taas oo ka dhallata inay muuqan waydo bilicda Caasimadda Ummadda Soomaaliyeed.
