Guddoomiyaha Gobolka Banaadir Ahna Duqa Magaalada Muqdisho Mudane Yuusuf Xuseen Jimcaale (Madaale) ayaa kulan casho sharaf ah la qaatay Danjiraha Dowladda Qatar u fadhiya Soomaaliya Dr. Abdolla Salem Alnuaimi.
Duqa Muqdisho iyo Alnuaimi ayaa ka wada hadlay xariirka labada dhinac, Iskaashiga iyo dar-dargelinta Mashaariicda horumarineed oo ay Dowladda Qatar ka fuliso Gobolka Banaadir.
Sidoo kale waxa ay isla qaateen xoojinta taageerada Dowladda iyo dhiiragelinta Maalgeshiga Soomaaliya, gaar ahaan Caasimadda Muqdisho.
Kulanka waxaa Guddoomiyaha Gobolka Banaadir ku wehlonayay Guddoomiye Ku-xigeennada Maamulka Gobolka iyo mas’uuliyiin kale.
