Guddoomiyaha Gobolka Banaadir Ahna Duqa Magaalada Muqdisho Mudane Yuusuf Xuseen Jimcaale (Madaale) ayaa Aqalka Dowladda Hoose ee Xamar ku qaabilay Ku-xigeenka Xoghayaha Guud ee Hey’adda Bisha Cas Turkiga Mudane Sukru Can.
Kulanka oo ay goobjoog ka aheyd Agaasime Ku-xigeenka Waaxda Agoonta iyo da’ yarta tabaaleysan Marwo Ilhaam Aweys Axmed, ayaa looga hadlay sidii loo caawin lahaa xarumaha lagu bar-baariyo isla markaana wax lagu baro Agoonta, maadaama ay fooda nagu soo heyso bisha barakeysan ee Ramadaan.
Guddoomiyaha Gobolka Banaadir ahna Duqa Magaalada Muqdisho Mudane Yuusuf Xuseen Jimcaale (Madaale) ayaa ugu mahadceliyay Hey’adda Bisha Cas ee Turkiga kaalinta ay ka qaataan gacan siinta xarumaha Agoonta ee ku yaala Gobolka Banaadir.
