Guddoomiyaha Gobolka Banaadir ahna Duqa Magaalada Muqdisho Mudane Yuusuf Xuseen Jimcaale (Madaale) ayaa Aqalka Dowladda Hoose ee Xamar ku qaabilay Madaxda Hey’adda Safa vakfi ee Turkiga, kuwaasi oo casuumaad ka heysta Maamulka Gobolka Banaadir iyo Dowladda Hoose ee Xamar.
Kulankaan oo ay goobjoog ka ahaayeen Guddoomiye Kuxigeenka Arrimaha Bulshada iyo Wacyigelinta Gobolka Banaadir, Agaasimaha Xiriirka Dibadda iyo hey’adaha Caalamiga iyo Agaasinka Waxbarashada, ayaa looga hadlay fulinta Mashaariic Horumarineed oo ay iska kaashanayaan Maamulka Gobolka Banaadir iyo Hey’adda Safa Vakfi.
Labada dhinac ayaa isla qaatay fulinta mashruuc Dugsi Waxbarasho oo ay ka faa’ideysan doonaan 500 arday, kaasi oo ay u dhanyihiin adeegyadiisa kala gedisan, isla markaana yeelan doonna qeyb ay ardayda jiiftaan, fursadna u noqon doonna jiilka Soomaaliyeed.
