Guddoomiyaha Gobolka Banaadir ahna Duqa Muqdisho, Mudane Yuusuf Xuseen Jimcaale (Madaale) ayaa soo xiray tartan aqooneedkii bisha Ramadaan ee ay qabatay Codka Caasimadda ee maamulka Gobolka Banaadir, kaddib munaasabad maanta lagu qabtay Aqalka Dowladda Hoose ee Xamar., waxaana goob-joog ka ahaa guddoomiye ku-xigeenka amniga iyo siyaasadda gobolka Banaadir, Yabooh, Agaasimayaal, guddoomiyeyaal degmo iyo marti-sharaf kale.
Tartankan ayaa waxaa ku guuleysatay degmada Kaaraan, iyadoo degmada Shibbis ay gashay kaalinta labaad, sidoo kale deegaanka Daarusalaam ayaa galay kaalinta saddexaad.
Related posts
“Waxaan ku faraxsanahay in degmada Kaaraan oo la daalaa-dhacaysay amni darro ay maanta noqoto horyaalka aqoonta Gobolka Banaadir,” ayuu yiri Duqa Muqdisho Mudane Madaale.
Waxa kaloo uu Guddoomiyuhu sheegay in maanta ay degmada Kaaraan tahay mid nabad ah oo dadkii masaajidda ay si nabad ah ugu tukanayaan Tahajudka.
Duqa Muqdisho ayaa ku ammaanay kaalintii ay tartanka ka qaateen Idaacadda codka Caasimadda ee Maamulka Gobolka Banaadir iyo maamulkeeda, waxaa kaloo uu u mahad-celiyay Mu’asadda Jaabir Bin Xayaan iyo guuleystaashii tartanka.
Guddoomiyaha ka hor, waxaa munaasabadda ka hadlay agaasimaha Idaacadda Codka Caasimadda Gobolka Banaadir, Cabdinaasir Xersi Iidle waxa uuna faahfaahin ka bixiyay sida uu tartanka kusoo billowday iyo sidii uu kusoo dhammaaday.
Gunaanadkii, Agaasimaha Idaacadda Codka Caasimadda Gobolka Banaadir ayaa billad sharaf guddoonsiiyay guddoomiyaha Gobolka Banaadir mudane Yuusuf Madaale, taasoo uu ku muteystay waxqabadkiisa. Waxaa kaloo shahaadooyin iyo abaal-marrino lacageed la guddoonsiiyay guuleystayaashii tartanka
