Duqa Muqdisho oo u digay dadka caqabada Ku ah danta guud

Guddoomiyaha Gobolka Banaadir ahna Duqa Magaalada Muqdisho  Cumar Maxamuud Maxamed filish ayaa farriin adag u diray dad uu sheegay inay ka soo horjeeda danaha danta guud.

Guddoomiyaha oo Maanta tegay  wadada 30-ka halka ay biyuhu fariistaan ee Shirkadda DAALO ayaa sheegay in Goobtan ay noqotay meel biyo fariisid ah oo ay ka go’an ganacsiga iyo isku socodka Gaadiidka.

Guddoomiyaha ayaa intaa Ku daray in dhibaatadaan ay bilaabatay sanadkii hore, balse Maamulka Gobolka Banaadir uu doonayay in uu waxka qabto.

“ Waxaan uga digayaa horumarinta danta guud dadka ka hoir imaanaya inay ka wantoobaan, dowladda, iyada ayaa wado kasto bixiso, iyad aoo eegeyso danaha dadka marka waxaa waajib nagu ah in mas’uuliyadeena si cad aan u gudano ayuu yiri” Guddoomiye Cumar filish.

Ugu dambeyn Guddoomiyaha Gobolka Banaadir ahna Duqa Magaalada Muqdisho  Cumar Maxamuud Maxamed filish ayaa sheegay in Booyado farabadan ay u soo dirayaan wadada 30-ka si Biyaha looga qaado, waxaana uu ugu baaqay Bulshada inay u soo gudbiyan cid kasta oo caqabad ku ah inay la soo wadaagan Maamulka.