Wararka ka imaanaya degmada Buulo Burte ee Gobolka Hiiraan ayaa sheegaya in duqeyn lagu bartilmaamedsaday Saldhig maleeshiyada Al-Shabaab ay ku lahaa deegaan lagu magacaabo Wardiinle, kaasi oo ka dhashay qasaare naf iyo maalba leh.
Saraakiil ka tirsan ciidanka oo la hadlay Warbaahinta Qaranka ayaa sheegay in duqeynta ay dhacday habeenkii xalay ahaa, isla markaana lagu bartimaameedsanayay Saldhigga ay maleeshiyada Al-Shabaab ku leeyihiin meel u dhaw degmada Buulo Burte ee gobolka Hiiraan.
Duqeymaha ayaa ka dambeeyay markii dhagar qabayaasha Al-Shabaab iyo horjoogayaashooda lagu dilay dhowr duqeyn oo ka dhacay Gobollada Shabeelaha Hoose iyo Jubbooyinka, taasi oo keentay inay xirxadkooda ay soo gaaraan deegaanno ka tirsan Gobolka Hiiraan.
Diyaaradaha aan cidi wadin ee Drones-ka loo yaqaan ayaa ah kuwa Mareykanku uu u adeegsado bartilmaameedyada kooxaha argagixisada ah ee ku dhuumaaleysanaya qeybo ka mid ah Gobollada dalka.’
