Cubeyd Sayid Cali oo ka mid ah ehelada muwaadin Soomaaliyeed oo lagu dilay magaalada Jida ee wadanka Sacuudiga ayaa sheegay in dowladda ay ka codsanayaan in wax laga qabto dilka loo geystay Xamaada Samoow oo ah wiil la dhashay, loona diiday in ay aastaan wiilkooda.
Marxuum Xamaada Samoow Sayidi Maxamed ayaa la dilay xili uu ku sii jeeday Gurigiisa ee uu ka daganaa magaalada Jidda, isaga oo ka yimid Masaajid ku yaala meel aan ka fogeyn Gurigiisa 5-dii Bishaan Janaayo.
โKooxo aanan wadan dharka ciidanka ayaa u yeeray walaalkay ka dibna wuu ka shakiyay, wuuna cararay, markaas ka dib ayay rasaas ku fureen halkaas ayuuna ku geeriyooday, waxaana goobta soo gaaray Aabihiis iyo Hooyadiis, iyagoo loo diiday in ay gurmad caafimaad u fidiyaan, markii uu dhintayna ay aastaan.โayuu yiri Cubeyd Sayid Cali.
Markii la dilay Muwaadinkaan ayaa waxaa goobta dilka uu ka dhacay gaaray qaar ka mid ah waalidiinta iyo sidoo kale Soomaali badan, waxaana loo diiday in loo cadeeyo sababta loo dilay Muwaadinkaan iyo in la siiyo Meydka si loo aaso.
Cubeyd ayaa ugu danbeyn sheegay in dowladda Soomaaliya ay ka codsanayaan inay arrintaan soo faragaliso,ย sidoo kalana ay kala hadasho dowladda Sacuudiga.
