Maxamad Abdi Afeey oo ah Ergeyga Hay’adda Qaxootiga Aduunka ee UNHCR u qaabilsan GEESKA Afrika, oo uu wehliyo Magatte Guisse oo ah madaxa UNHCR Soomaaliya ayaa warbixin ka siiyey hawsha baaxada ee ay UNHCR ka wado arrimaha Qaxootiga, Barakacayaasha iyo gurmadka abaaraha.
Dhiniciisa ayuu Ergeygu warbixin ka siiyey Afey hawlaha hortebinta u leh xafiiska Ergeyga, isagoo hoosta ka xariiqay ahmiyada uu Madaxweynaha siinayo gurmadka abaaraha iyo xal u helidda Qaxootiga iyo barakacayaasha.
Labada dhinac ayaa isku raacay in ay si dhow uga wada shaqeeyaan sida ugu haboon oo sare loogu qaadi karo wacyi iyo wax u qabadka Qaxootiga Soomaaliyeed ee Gobolka ku firirsan iyo barakacayaasha dalka gudihiisa ku tabaalaysan.
