Kooxda argagixisada Al-Shabaab ayaa weerar aroortii hore ee saaka ku soo qaaday mid ka mid ah fariisimaha Ciidanka Jubbaland iyo kuwa Xoogga dalka ee aaga Baarsanguuni.
Ciidanka Jubbaland iyo kuwa Xoogga dalka ayaa fashiliyay weerarkaan oo ay ku bilaabeen argagixisadu qaraxyo.
Mid kamid ah gaadiidkii ay qaraxyada kasoo buuxsheen ayey ciidanka fashiliyeen kadibna ay qarxiyeen inta uusan soo gaarin bar koontarool oo ay ciidamada deegaankaasi ku leeyihiin.
Saraakiisha ciidamada Xoogga ayaa xaqiijiyay in 73 ka mid ahaa Argagixisada duulaanka soo qaaday la dilay, waxaa jira duqeyn xaga ciirka ah oo tiro gaadiid ah looga gubay argagixisada.
Gaari Maleeshiyaadka Al-Shabaab u diyaariyeen qaab aan xabadaha yar yar karin ayaa waxey ugu tala galeen in ay la beegsadaan buundada Baarsanguuni ee ku dhow Degmada Jamaame isaga oo waxyaabaha Qaraxa ka buuxan, balse Ciidamada Xoogga iyo kuwa Jubbaland ayaa gacanta ku dhigay.
