Wasaaradda Amniga gudaha ayaa ka hadashay weerarkii caawa ka dhacay inta u dhexeysay maqaayadda Posh iyo Pizza_house oo ah meel ay dhallinyarada ku kulmaan ee ku taala agagaarka Isgoyska Benaadir ee degmada Hodan.
Ciidamada ayaa dad badan ka soo badbaadiyay agagaarka goobta ay wax ka dhaceen, waxaana ay iminka weli wadaan howlgallo lagu xaqiijinayo amniga, madaama maleeshiyaad hubeysan ay gudaha u galeen mid ka mid ah goobta u falka ka dhacay.
Afhayeenka Amniga Gudaha Axmad Maxmuud Maxamad Sayid (Axmad Carab ) oo la hadlay Radio Muqdisho ayaa sheegay inay wadaan howlgallo lagu soo badbaadiyo tiro dad ah oo ku xaniban halka uu falka ka dhacay, isla markaana ay goordhaw warbaahinta u faah faahin doonaan qasaaraha ka dhashay weerarka.
