Nabadgelyadu waa harka ugu weyn ee ay harsato bulshada, isla markaana ay ku raadsato adeegeeda iyo nolosha ay u baahan yihiin ,haddii aysan heysanna ay tahay mid hoos u dhaceysa noloshooda iyo hiigsiga ay ku haminayaan bulshadu,sidaa darted dowladaan cusub waxaa looga fadhiyaa sidii ay horumar la taaban karo ay uga gaari lahaayeen nabadda .
Xukuumaddaan cusub oo ballan-qaaaday in ay dib u habeyn ku sameyn doonto hey’adaha nabadgelyada iyo ka shaqeynta nabadda ayaa haddii ay ku guuleysato noqoneysa dhidibka ugu horeeya oo ay taagto bulshaduna ay horay ugu sii sicoto horumarkaasi ku dhoisan nolosha bulshada iyo dhaqdhaqaaqeeda dhanka ganacsiga iyo hammigga ay u qabaan hurdo caafimaad leh iyo horumar dhaqan dhaqqale intaba.
Dhanka kale dowladda iyo Xukuumaddu kuma guuleysan karaan sugidda nabadgelyada haddii aysan shacbiga Soomaaliyeed dhankooda aysan kala shaqeyn nababgelyada oo aysan soo sheegin cidda iyaga wax u dhimeysa nababgelyada ay noloshoodu ku xiran tahay waayo horaa loo yiri far kaliya fool ma dhaqdo ama gacmo wadajir ayey wax ku gooyaan waana taasi midda ay dowladdu iyo xukuumaddu mar kasta u baahan yihin in shacnigu ay la garab istaagaan si ay iyaguna u ballanqaadaaan sugidda amniga bulshada Soomaaliyed.
Dhanka kale haddii aynu ka eegno caddaaladda waa rukunka ugu muhiimsan dowladnimada oo ah mid ay kalsooni buxda ku qabi karaan shacbigu haaddi ay ilaaliso dowladda iyo xukuumaddu,gaar ahaan dhinaca garsoorka oo ay umaddu baahi weyn u qabto,taasoo ay shacbigu ka niyadjabsan yihiin qaabka ay hadda wax u socdaan ee xagaa caddaaladda .
Haddaba,dowladda iyo Xukuumadda cusub waxay dadka Soomaaliyeed uga fadhiyaan abuuridda garsoor caddaalad ah oo shacbiga u kala qaada xuquuqaha ay kala tabanayaan iyo waxyaabaha ay isku heystaan haaddii taa la helona dowladdu waxay cagta saareysaa tubta toosan ee horumarka caddaaladda iyo dib u dhiska garsoor hagaagsan oo ay mahdiyaan shacbiga Soomaaliyeed ,waxayna dowladda iyo xukuumadda ay heli doonaan kalsoonida dadkeeda iyo kor u qaadidda horumarka dalka oo ay furo u tahay sugidda caddaaladda iyo garsoorka.
Haddaba dowladda iyo Xukuumadda waxaa laga sugayaa in ay awood saarto hirgelinta nabadgelyada iyo caddaaladda oo ah furayaasha ugu horeeya oo ay dowadi ku dhaqaaqdo marka loo eego dowlad sal adag oo keenta ama hanata kalsoonida umadda Soomaaliyeed oo ku kala tagtay caddaalad daridii soo wajahday sanooyinkii dheeraa.
W/qoray Jeylaani C/lle Juujuule
