Kulan looga hadlayay fahanka Nidaamka Federaalka ay ka qabaan Ummadda Soomaaliyeed iyo sida nidaamkan looga shaqeyn lahaa horumarintiisa ayaa maanta lagu qabtay magaalada Muqdisho.
Shirka oo ahaa mid looga tashanayay fahanka Federaalka ayaa waxaa ka qeyb galay xubno ka socday xafiiyada Madaxweynaha, Afhayeenka Golaha shacabka, Raโiisul Wasaaraha, qaar ka mid ah Wasaaradda dowladda, Guddiyada Madaxa banaan ee Xaduudaha, dorashooyinka, xubno ka socday Hayโadda horumarinta u qaabilsan Qaramada Midoobay UNDP iyo kuwa kale.
Kulanka ayaa inta uu socday waxa ay ka qeyb galayaasha isku dhaafsadeen aragtiyo ku aadan hanaanka federaalka ah iyo in la joogteeyo sida bulshada lagu fahamsiin karo federaalka ay dowladda Soomaaliya qaadatay.
Guddoomiyaha Guddiga Madaxa Banaan xaduudaha iyo Federalka Khaliif Cabdikariin Maxamed ayaa sheegay in kulanka uu fursad u siinayo in bulshada ay wax badan ka fahmaan nidaamka Federaalka ah ee ay dowladda hirgelineyso, gobollada qaarna laga hirgeliyay.
ย 
ย 
Sawir Qaade:- Maxamed Cabdullaahi Maxamed
