Qaar ka mid ah Fananiinta Xidigaha Geeska Africa oo kala ah Cabadiraxmaan Caydiid “Oday”, Maxamed Bakaal Ciro, Xamdi Cabdi Quen iyo Nimcaan Hilaac ayaa maanta soo gaaray magaalada Muqdisho, kuwaasi oo si diirran loogu soo dhaweeyay garoonka diyaaradaha Aadan Cadde ee magaalada Muqdisho.
Faniinta maanta soo gaaray caasimadda Muqdisho oo la hadlay Warbaahinta ayaa sheegay inay aad ugu faraxsanyihiin inay yimaadaan Muqdisho, iyagoo ka mahadceliyay sida wanaagsan ee loogu soo dhaweeyay, ayagoo xusay in farxadda ciidda ay la wadaagi doonaan shacabka Muqdisho.
