Derby County, ayaa ku dhawaaqday Frank Lampard inuu yahay tababaraha seddexda sanno soo socota ee naadiga.
Macallinkii hore ee naadiga Gary Rowett ayaa qabtay naadiga Stoke taas ayaana keentay in la doorto laacibkii hore ee seddexda Libaax.
“Aniga waxaan doonnayay inuu koox macallin u noqdo, waa koox weyn Derby County, waana fursad qaali ah inaan maamullo.” Frank Lampard ayaa warkan u sheegay website-ka kooxdiisa cusub.
Xiddigii hore ee Chelsea waxa uu intaa ku sii daray: “Tani waa shaqaddii iigu horreysay ee macallinimo, laakiin waxaan kasoo hoos ciyaaray tababarayaal wanaagsan, waana qaadi karaa xilka cusub.”
Lampard, ayaa ciyaarista kubadda cagta waxa uu ka tagay sannadkii 2016, isagoo waqtigaas ka tirsanaa New York City FC.
