Ilaa saddex boqal oo dhallinyara ah isugu jiaray wiilal iyo gabdho ka faa’iideestay waxbarasho ku aadaneyd barashada xirfado ay ku shaqeysan karaan oo ay si lacag la’aan ah ugu tabaruceen hay’adaha Daryeel iyo SOSDA ayaa maanta la guddoonsiiyay shahaadooyin.
Munaasabada shahaadooyinka lagu guddoonsiinayay dhallinyaradaan oo ay goob joog ka ahaayeen mas’uuliyiin ka tirsan kuwa Galmudug ayaa waxaa ugu horeyn ka hadlay Maxamed Daahir Aadan oo machadka tababarada xirfahada ee Mudug ayaa sheegay in xirfadaha ay barteen ay ka mid ahaayeen korantada, Makaanikada Baabuurta. Kumbuyuutarka iyo Luuqadda Englishka, isla markaana ay si lacag la’aan ah lagu barayay xirfadahaasi, isagoo dhanka kalena xusay in ay yihiin dufcadii 8aad ee nasiib u yeelata in ay ka qalin jabiyaan xarunta tababarka xirfadaha ee Mudug intii howshaan ay hayeena kuwa dhanka dhaqaalaha ay ka saacidayeen labada Hay’addood ee Daryeel iyo SOSDA.
Cumar Maxamuud Rooble oo ka mid ah Masuliyiinta Hay’addaha mashruucaan iska kaashaday ayaa isna ku booriyay dhalinyradu in ay ka faa’iideeystaan xirfadaha ay barteen.
Munaasabada oo sidoo kale intii ay socatay ay ka hadleen Masuuliyiin kala duwan ayaa waxaa gunaanadkii ka hadlay duqa Degmada Gaalkacyo Xirsi Yuusuf Barre iyo isku duwaha Wasaaradda Waxbarashada Galmudug ee Gobakla Mudug Axmed Jaamac Aadan waxayna ugu horeyn u mahad celiyeen Hay’addihii howshaan taaba galinteeda iska kaashaday, iyagoo ku tilmaamay in ay tahay midii looga baahnaa dowlada balse daruufaha dalka ka jira ay noqan weysay mid suurta gasha inkastoo Wasaaradda Waxbarashada dowlada federaalka ay wado dadaalo ku aadan sidii ubadka Soomaaliyeed ay u heli lahaayeen Waxbarasho lacag la’aan taas oo ah mid ay xaq u leeyihiin
Waxaa Qoray Wariye C/risaaq Maxamed Axmed (Galkacyo)
