laga soo bilaabo 26kii December sanadkii tegay ee 2017 waxaa magaalada Gaalkacyo ka socanayay howlgallo balaaran, isla markaana la xariiray weerarkii kooxda argagixisadaa ay ka geysteen magaalada Gaalkacyo ee xarunta Gobalka Mudug, kaa oo sababay khasaare isugu jira dhimasho iyo dhaawac.
Related posts
Howlgalladaan oo ay iska kaashanayaan ciidamada P.S.F DANAB IYO NISA ayaa intii ay socdeen lagu helay xog farabadan oo la xariirta weerarkaasi, waxaana ay ciidamadu gacanta ku dhigeen shaqsiyaad lala xariirinayay in ay gacan saar la leeyihiin kooxda Argagixisada Al-Shabaab.
Howlgalladaan ayaa labadii maalmood ee u danbeeysay lagu qabtay ku dhawaad 10 ruux, kuwaasi oo lagu tuhun sanyahay in qaarkood ay ka tirsan yihiin kooxda Al Shabaab.
Shaqsiyaadka la qabtay oo haatan ku jira gacanta ciidamada Amniga ayaa lagu wadaa in la mariyo baaritaano la xariira falalka ay ku eedeeysan yihiin, inkastoo wali wax war ah aysan kasoo bixin saraakiisha ciidamada Amniga, waxaana la filayaa in marka baaritaanadooda lasoo dhameeyo ay laamaha amniga la soo wadaagi doonaan Warbaahinta.
Intii ay socdeen howlgaladaan ayaa sidoo kale waxaa Ciidamada DANAB ee Xoogga Dalka Soomaaliya ee ku sugan Gaalkacyo ay gacanta ku dhigeen horaantii bishaan hub iyo saanad la sheegay in loo waday Argagixida Al Shabaab ee ku sugan Degmada Xarar Dheere ee Gobolka Mudug, waxaana ciidamadu ay gacanta ku dhigeen shaqsiyaadkii waday kuwaasi oo haatan ku jira Gacanta Ciidamada Amniga
Howlgaladaan ayaa waxaasi weyn usoo dhaweeyay bulshada ku nool magaalada Gaalkacyo, kuwaasoo sheegay in ay diyaar u yihiin ka gacan siinta ciidamada qorshaha la dagaalanka kooxda Al Shabaab.
