Xafiiska Waaxda dhul bixinta Maamulka dowladda Hoose ee Gaalkacyo oo iyadu dhawaan laga daah furay markii u horeysay bixinta sharciyada dhulka iyo guryaha ku yaala magaalada Gaalkacyo oo intooda badan horay aan u laheyn sharciyo rasmi ah ayaa waxaa maanta kormeer ku tegay Madaxweynaha Galmudug Axmed Ducaale Geelle si uu u kuurgalo halka ay marayaanΒ howlaha shaqo ee Waaxda dhul bixinta Maamulka dowlada Hoose ee Gaalkacyo Galmudug
Related posts
Madaxweynaha Galmudug ayaa intii uu kormeerka ku guda jiray warbixin ka dhageystay duqa degmada Gaalkacyo Xirsi Yuusuf Barre oo sheegay in ay si fiican u socoto howsha bixinta sharciyada dhulka iyo guryaha.
Mudane Axmed Ducaale Geelle ayaa kormeerka kaddib la hadlay Warbaahinta waxaana uu ugu baaqay dadka guryaha iyo dhulalka ku leh magaalada Gaalkacyo in sharciyeeystaan dhulalka iyo guryaha ay sheeganayaan milkiyadooda, isagoo dhanka kalena sheegay in ciddii aan qaadan sharciyadaasi aan loo aqoonsan doonin milkiyada iyoΒ lahaanshaha dhulka haddii la isku qabsado
Madaxweynaha Dowlad Goboleedka Galmudug Axmed Ducaale Geelle Xaaf ayaa ka mid ahaa dadkii maanta qaadanayay sharcida lahaanshaha dhulka, talaabadaan oo mid wax weyn ka badali karta bilicda iyo dhismaha magaalada Gaalkacyo.
