Gabar Soomaaliyeed oo lagu magacaabo Ramlo Cali oo ah feeryahanad iyo Model ayaa ayaa ka hadashay ficilo Midabtakoor ah oo u soo wajaha si maalinle ah, waxayna rajo ka muujisay inuu dhamado faquuqo, haddii wadajir loola dagaalamo.
31 jirta dagan London oo timid UK, iyadoo ka soo qaxday Somalia waa Haweenaydii ugu horaysay ee Feeryahanad Soomaali ah ee taariikhda ka qayb gashay Tartano.
Ramlo Ali waxay sidoo kale u ololaysaa in la joojiyo Midabtakoorka, sidoo kale waxay qayb ka tahay Ololaha caanka ah ah the Black Lives Matter.
Iyadoo ka hadlaysay sababta ay u wado Ololaha ka dhanka ah Midabtakoorka waxay sheegtay in si maalinle ah ay ugala kulanto faquuq dad aysan garanayn iyo kuwo saaxiibadeed ah.
Ramlo waxay sidoo kale u sheegtay Wargayska ES Magazine inay caqabad kala kulanto Kastamyadda, lana joojiyo, kadibna lagu qasbo in Boorsadeeda oo dhan waxa ku jira ay banaanka u soo bixiso, iyadoo loo bartilmaameedsanyo midabkeeda, loolana macaamiilayo si ka duwan dadka kale ee aan Madowga ahayn.
Mar ay ka hadlaysay dhacdadii lagu dilay George Floyd ee Maraykanka waaxay tiri: “markaad aragto muuqaaladda sida kii dilkii Floyd waxay kugu abuuraysaa carro xoog leh, maxaa yeelay ma ahan wax hal mar dhacay, way dhacday mar kale iyo mar kale, waxaana muhiim ah in dadka wax la baro.”
Arrinta faquuqa ayaa ah mid ku soo kordhaysa caalamka mudooyinkan, Waxaana dhacay marar badan dad Madow ah loo beegsaday Midabkooda iyo sidoo kale dad loo beegsaday Aaminaadooda Diimeed.
