Kulankaan oo ahaa mid ay soo qaban qaabiyeen ururka gabdhaha ganacsatada Soomaaliyeed ayaa waxaa goob joog ka ahaa qaar ka mid ah xubnaha ururka ayaga oo ujeedkooda ahaa in ay ka xunyihiin falkii foosha xumaa ee lagula kacay Allaha u naxariisto Xamdi Maxamed Faarax.
Xubnaha madasha ka hadlay ayaa sheegay in ficiladaan argagaxa ah ee lagula kacayo dumarka iyo carruurta ay yihiin kuwa ku soo badanaya bulshada Soomaaliyeed, isla markaana la dareemayo inay yihiin ficilo naxariista iyo dhaqankeena suuban ka fog.
Guddoomiyaha Ururka Gabdhaha Ganacsatadaha Soomaaliyeed Xirsiyo Cabdulle Siyaad ayaa sheegtay in bulshada looga baahanyahay in meel ay uga soo wada jeestaan ficiladaan guracan iyo tacadiyada ka dhanka ah haweeenka iyo carruurta.
Ururka gabadhaha ganacsatada Soomaaliyeed ayaa codkooda ku biiiriyay baaqyada qeybaha kala duwan ee bulshada kasoo baxaya, kuwaa oo lagu dalbanayo in cadaallada ay hesho Xamdi, isla markaana dalka laga mamnuuco waxyaaha maanka doooriya.
