Deeqdaan lacagta ah oo gaareysaย seddex kun oo lacagta dollarka Mareykanka ah, ย ayaa waxaa iskasoo aruuriyay Ganacsato Soomaaliyeed oo kunool dalka Koofur Afrika, ย kuwaas oo kasoo jeeda Deegaanada ย Gobalka Shabeellaha dhexe.
Deeqdan lacagta ah ayaa lagu wareejiyay Guddoomiyaha Degmadda Balcad, ย waxaana uu kusii wareejiyay guddiga dhismaha Isbitaalka guud ee degmadda Balcad.
Related posts
Shiikh C/qaadir Maxamed Muudey oo kamid ah Culimadda ku nool degmadda Balcad ee Gobolka Shabeellaha dhexe, ayaa loo wakiishay deeqdaan lacagta ah, waxaana uu faahfaahin ka bixiyey waxyaabaha loo qorsheeyey in lacagtaasi lagu qabto.
โLacagta noola soo wakiishay waa lacag dhan seddex kun iyo boqol Dollar, waxaana inoo ย wakiishay ganacsato Soomaaliyeed oo reer Balcad oo kunool South Africa, ย waxa ay ugu tabaruceen dhismaha Ispitaalka Degmada Balcad oo bilaawday, waxaan leeyahay ALLE ajir iyo xasanaad hakasiiyo meesha ay kasoo qaadeen Badal kheyr qabo allaah ha ugu badalo, ย waxaan hadda ku wareejiyay guddiga dhismaha Isbitaalka โayuu yiri Shiikh C/qaadir Maxamed.
Guddoomiyaha degmadda Balcad Qaasim Cali Nuur iyo Xasan Maxamed Xaaji oo kamid ah xildhibaanada Hirshabeelle oo iyana goobta ka hadlay ayaa u mahad celiyay Ganacsatada Soomaaliyeed, ย waxaana ay ku baaqeen in laga wada qeyb qaato.
โBaahida ugu weyn oo ay hadda qabto Bulshada Degmada Balcad waa Isbitaal laโaan heysata, hooyada Uurka leh markii ay lasoo daristo xaalad adag oo dhalmada ah waxaa looqaada Magaaladda Muqdisho ee caasimada dalka, iyadoo jirto in wadada ay tahay mid bur-bursanโ ayuu yiri guddoomiye Qaasim.
Balcad: Maxamed Amiin Yabarowย
