Shir looga hadlayo arrimaha Siyaasadda iyo Amniga dalka ayaa maanta ka furmaya magaalada Garoowe ee xarunta dowlad goboleedka Puntland, kaas oo ay ka qaybgalayaan madaxda dawladda Federaalka Soomaaliya iyo dawlad goboleedyada.
Ra’iisal wasaaraha Xukuumadda Federaalka Soomaaliya Mudane Xasan Cali Khayre iyo wafdi uu hogaaminayo ayaa gaaray magaalada garoowe shalay gelinkii dambe, halkaas oo sidoo kalena ay tageen madaxda dawlad goboleedyada, maanta waxaa lagu wadaa in Madaxwaynaha JFS Mudane Maxamed Cabdullaahi Farmaajo uu Garoowe gaaro.
Arrimaha sida gaarka ah shirkan looga hadlayo waxaa ka mid ah arrimaha Dastuurka, gaar ahaan qodobada u baahan xal siyaasadeed, wadashaqaynta dawlad goboleedyada iyo dawladda Federaalka iyo u diyaar garowga doorashooyinka guud ee dalka.
