Taliyaha Ciidanka Dhulka Generaal Maxamed Tahliil Biixi oo ay wehliyaan Guddoomiyaha Gobolka Hiiraan Cali Jeyte Cismaan, Taliyaha qeybta 27-ee Ciidanka Xoogga Dalka Gen. Tawane Axmed Maxamed, Odayaasha dhaqanka iyo Saraakiil Ciidan, ayaa booqday furimaha dagaalka oo ay ku sugan yihiin Ciidamada dib-u-xoreynta deegaanka.
Generaal Biixi iyo Mas’uuliyiinta la socday, ayaa dhiirri-gelin u sameeyay Ciidanka dib-u-xoreynta deegaanka oo howlgalka ka dhanka ah Al-shabaab ka wada gobolka Hiiraan.
Taliyaha qeybta 27-aad ee Ciidamada Xoogga Genaraal Tawane Maxamed ayaa yiri “Waxaan idinku ammanayaa sidaad cadowga ugu xureyseen guud ahaan Gobalka hiiraan”
Guddoomiyaha gobolka Hiiraan Cali Jeyte Cismaan, Ayaa yiri “Waxaan digniin adag u dirayaa shaqsiyaadka xagal daacinta ku hayaan howlgalka ka dhanka ah Al-shabaab ee Hiiraan ka socda”
Taliyaha Ciidanka Dulka Generaal Maxamed Tahliil Biixi, Ayaa yiri “ waxaad ku ammaanantihiin haddii aad tihiin, Ciidanka dib-u-xoreynta iyo Ciidaanka Qalabka sida aad ku wadaan howlglka ka dhanka ah Qawaarijta” “Sidoo kale waxaan xusayaa in dagaalka xoreynta ee reer Hiiraan wadaan tusaale u yahay Soomaaliya oo dhan”.
Ugu dambeyntii, Taliyaha, ayaa ballan qaaday in dowladda dhexe ay dadka reer hiiraan ku garab istaagi doonto taageero dhinac kasto leh sida Ciidaan, dhaqaale iyo Caafimaad si ay deegaankooda uga saraan argagixisada.
