Global Internet ayaa maanta soo bandhigtay adeeg cusub oo xawaarihiisu aad u sareeyo, kaasi oo ay isticmaali karaan dhamaan qeybaha bulshada….
Maamulka Shirkadda Global Internet Cabdiqaadir Xasan Axmed oo maanta shir jaraa’id ku qabtay Muqdisho ayaa tilmaamay in shirkadda ay soo bandhigtay adeeg casri ah oo lagu magacaabo Somnet Telecom MIFI 4G, kaasi oo aad ka heleyso internet xawaarihiisu sareeyo, isla markaana ay bulshada isticmaaleysa u adeegsanayaan simcard cusub oo aad ku isticmaali karto meelkasta oo aad caasimada ka joogto.
Cabdiqaadir Xasan Axmed ayaa Warbaahinta u sharxay adeega cusub ee ay maanta hirgeliyeen, kaasi oo ay adeegsan karaan ardayda waxbaratada iyo dadka kale ee daneynaya inay isticmaalaan internet.
“Somnet Telecom MIFI 4G LTE ayaan soo bandhignay, adeegan qofkasta waa uu isticmaali karaa, qiimaha qalabka waa 95 doolar, 20GB oo free ah ayaa ku jirta, waxaad u isticmaali kartaa, telefon iyo computer-kaaga meelkasta oo aad Muqdisho ka joogto, marka uu kaa dhamaado mudada bisha ah ee aad isticmaaleyso”ayuu yiri Maamulaha shirkadda Global Internet.
Shirkadda oo soo jirtay tan iyo sanadkii 2003, waxa ay adeegsan cusub ku sheegeen in uu yahay mid qiimo jaban oo dadka donaya ay ku iibsan karaan qalabka MIFI, loo yaqaan oo ah kan kuu sahlaya in isticmaalka adeega internet-ka aad la aadi karto meelkasta oo caasimadda ka mid ah, ayn ku jirto 20GB oo free ah.
Sawir Qaade:- Farxaan Suleymaan Daahir
