Ku-Simaha Guddoomiyaha Baarlamaanka ahna Guddoomiye ku-xigeenka 1aad ee Golaha Wakiilada Koonfur Galbeed Soomaaliya Mudane, Maxamed Nuur Maxamed Macalin oo ay wehliso Guddoomiye ku-xigeenka 2aad ee Golaha Marwo, Shamso Maxamed Yarow, ayaa maanta shir Guddoomiyay Kala fadhiga 6-aad Kulankiisa 2-aad oo ay soo xaadireen 50 Xildhibaan.
Ajendaha Kulanka, ayaa ahaa Akrinta 2aad Hindise-sharciyeedka Ciidanka Booliska Koonfur Galbeed Soomaaliya Ugu horreyn, Xildhibaanada Golaha Wakiilada ayaa Su’aalo ka weydiiyay Wasiirka Wasaaradda Amniga Xeerka Booliska Koonfur Galbeed Soomaaliya oo ay Wasaaradda soo diyaarisay.
Wasiirka Amniga Koonfur Galbeed Soomaaliya Mudane, Xasan Cabdulqaadir Maxamed, ayaa ka Jawaabay dhammaan Su’aalaha ay soo jeediyeen Xildhibaanada, isagoo sheegay wixii talooyin ah ay soo jeediyeen Xildhibaanada ay hoosta ka xariiqdeen sidoo kale Muhiimna ay u tahay Xeerkani.
Guddoomiyaha Guddiga Amniga Golaha Wakiilada Xil. Irshaad Maxamed Aadan, ayaa Golaha ka hor Akhriyay Warbixinta Guddiga Amniga iyo talooyinka Xildhibaanada ay horay ugu biiriyeen inta ay socotay Doodaha iyo falanqayta sharcigaan.
