Xoghayaha guud ee Guddiga Olombikada Soomaaliyeed Duraan Axmed Faarax ayaa dalka Switzerland uga qeyb galay seminaar ay ka qeb galeen 34 dal, kaasi oo ka dhacay xarunta IOC, magaalada Laussane.
Seminarka oo ku saabsanaa suuqgeynta Olympic-ada waxaa diyaariyey qeybta u qaabilsan IOC da oo lagu magacaabo IOC Television and Marketing Services TMS , wuxuu socday 26 – 27 January,
Xoghayah GOS Duraan Axmed Faarax oo ka warbixyay ujeedka Seminaarka ayaa sheegay in seminaarkan uu ahaa kii 5aad oo lux seminar oo IOC- da ugu tala gashay iney ka faaideystaan waddamada xubnaha ka ah, Waxaa midkaan joogay 34 waddan oo ka socda 5ta qaaradood.
Xoghayaha ayaa intaa kudaray in seminaarkan xoogga lagu saaray sida looga faa’iideysan karo haysashada astaanta Olombikada ( Olympic brand ) oo ah astaanta ugu caansan dunida, baaritaan la sameeyey na 98% lagu sheegay iney garanaayaan astaanta olympic ada sidaa awgeedna ay muhiim tahay in ay wadamadu ka faaideystaan.
Suuqgeynat waa nidaam hay’adaha , Xiriirada , Kooxaha iyo Ururada isboortiga aad muhiim ugu ah taasoo haddii ay waqti iyo qorshe wanaagsan geliyaan ay ku helikaraan dhaqaalo uu isboortiga ku horumari karo waana sababta ay Gos Seminaarkan muhiimada gaarka u siisay xilli dalal badan oo caalamka ay ka baaqsadeenka qayb galkiisa.
W/D: Xuseen Maxamed Hadaafow
Waaxda warfaafinta GOS
