Guddiga horumarinta adeegga Bulshada, arrimaha bani’aadanimada, Warfaafinta iyo dhaqanka Aqalka Sare oo gudnaya waajibadaakisa shaqo, ayaa xafiiskooda ugu yeeray Guddiga Qaran Shaqaalaha Rayidka ee Dowladda.
Kulanka oo ku saabsanaa su’aalo waydiin iyo xog waraysi hanaanka shaqo ee Guddiga Qaran ee shaqaalaha Rayidka, ayaa si gaar ah wax looga waydiiyay, qorshaha shaqaale qorista, u sinnaanta fursadaha shaqo ee Dowladda Ragga iyo Dumarka, howlgabka shaqaalaha, iyo su’aalo kale muhiim ahaa.
Xubnaha Guddiga oo uu hoggaaminayay Guddoomiye Xasan Abshirow maxamed, ayaa guddiga Arrimaha Bulshada Aqalka Sare faahfaahin ka siiyay dhammaan su’aalihii ay ka qabeen shaqada guddiga iyo shaqaalaha Rayidka ah.
Guddoomiyaha Guddiga Arrimaha Bulshada Aqalka Sare Senator Cismaan Maxamuud Maxamed (Dufle) oo kulanka su’aalo waydiinta ahaa soo xiray ayaa uga mahadceliyay xubnaha Qaran Shaqaalaha Rayidka ee Dowladda sida ay warbixinta uga siiyeen su’aalihii ay qabeen.
