Guddiga difaaca ee Baarlamaanka Soomaaliya ayaa soo dhaweeyay goโaanka dowladda Soomaaliya ay ugu aqoonsaneyso shaqsiga sanadkii tagay ee 2015ka in uu yahay askariga Soomaaliyeed.
Guddoomiyaha guddiga difaaca ee baarlamaanka Federaalka ah ee Soomaaliya Xildhibaan Xuseen Carab Ciise ayaa hoosta ka xariiqay in shaqsiga sanadkii tegay loo aqoonsado askariga Soomaaliyeed, taasi oo uu ku sheegay inay dhiiri gelineyso ciidamada qalabka sida ee Soomaaliya oo har iyo habeenba u taagan ka difaaca shacabka cadowga Soomaaliyeed.
Related posts
Xildhibaan Xuseen Carab Ciise oo la hadlay Radio Muqdisho ayaa sheegay in ciidamada qalabka sida ee Soomaaliya ay mudanyihiin in la helo dad u ololeeya xuquuqda ciidanka.
โWaa arrin fiican in bulshada la gaarsiiyo xaaladda ay ku shaqeeyaan ciidanka, waa muhiim in ciidanka la dhiiri geliyo, doorka Warbaahinta Qaranka waan soo dhaweyneynaa, waxaana kalo soo dhaweyneynaa in shaqsiga sanadkii tegay uu noqdo askariga Soomaaliyeed, baarlamaankana waan ka horsheegi doonaa si loo dhiiri geliyo ciidamada qalabka sida ee Soomaaliyaโ ayuu yiri Xildhibaan Xuseen Carab Ciise.
