Guddoomiyaha kumeel gaarka ah ee Golaha Wakiilada Puntland Yaasiin Xuseen Xaaji Jaamac ayaa magacaabay Guddigii ka shaqeyn lahaa qabsoomidda doorashada Guddoomiyaha Baarlamaanka Puntland iyo labadiisa ku xigeen.
Guddiga doorashada Baarlamaanka ee uu magacaabay ku simaha Guddoomiyaha Golaha Wakiilada Puntland ayaa ka kooban 7 xubnood iyo Guddoomiyahooda, waxaana sida qorshuhu uu yahay ay ka shaqeyn doonaan qabsoomidda doorashada guddoonka Baarlamaanka Puntland.
Xildhibaan Ismaaciil Cabdi Abtiile ayaa loo magacaabay Guddoomiyaha Guddiga doorashada guddoonka Golaha Wakiilada Puntland.
Doorashada guddoonka golaha wakiilada Puntland ayaa la filayaa in ay dhacdo 4-bisha Janaayo oo ku beegan maalinimada Jimcaha ee soo socota, waxaana u sharaxan xilka Guddoomiyaha iyo labadiisa ku xigeen musharixiin gaaraya 8 musharax.
Halkan ka akhriso
