Dowladda Walaalaha aan nahay ee Jabuuti ayaa lacag gaaraysa lix boqol kun oo dollar una dhiganta boqol malyan oo lacagta Franka Jabuuti ah ugu deeqday guddiga fatahaadaha, lacagtan ayaa ah tii ugu badnayd oo guddiga fatahaadaha soo gaarta in kastoo ay jiraan lacago kale oo ay ballanqaadeen hay’ado iyo maamullo ka jira gudaha dalka.
Kumanaan ruux ayaa ka barakacay fatahaadaha ka jira magaalada Beladwayne, iyadoo ay socdaan dadaallo lagu doonayo in lagu kaalmeeyo qoysaska ay saameeyeen fatahaadaha.
Qoysaska ka barakacay guryahooda iyo kuwo kale oo ku go’odoonsan xaafadaha magaalada Beladwayne ayaa u baahan in loo gurmado, kaddib markii fatahaadda biyaha webiga Shabeelle ay korortay.
