War-saxaafadeed ka soo baxay guddiyada hirgelinta doorashooyinka dalka ayaa lagu soo dhaweeyey goโaankii ay galabta gaareen maamulada Hirshabeelle iyo Galmudug, isla markaana uu taageeray Ra’iisul wasaare Rooble.
Hoos ka akhriso:
Related posts
Muqdisho 27-April-2021 Guddiyada Hergelinta Doorashooyinku wuxuu soo dhoweynayaa goโaamada maanta ay gaareen maamulada Hirshabeelle, Galmudug iyo Raysalwasaaraha xukuumadda Federalka Soomaaliya ee ay ku gaareen in dib loogu noqdo hanaankii doorashada ee ku caddaa heshiiskii 17-Sebteembar-2020.
Wuxuu guddigu u arkaa goโaankaan mid ku soo aaday wakhti muhiim u ah dalka, wuxuuna abuuray xaalad isu Soo dhowaansho, isagoo caddeeyey in dadka Soomaaliyeed awood u leeyihiin in ay xalisan karaan arrimaha dhexdooda yaal.
Ugu danbayn xalka wadanku wuxuu kuย jiraa in doorasho loo dareero, Isla markaana ku salaysan 17- Sebtember. guddiguna wuxuu horeba u diyaariyey dhammaan habraacyadii iyo shuruucdii doorashada lagu geli lahaa.
Waxaan ugu baaqaynaa dhammaan dhinacyada ay khusayso arintani in ay gacmaha is qabsadaan una guntadaan sidii wadanka doorasho loo wada dhan yahay uga dhici lahayd, si looga kor qaado dadka iyo wadanka culaysyada dhaqaale, amni iyo siyaasadeed ee haysta.
* DHAMAAD***
