Guddiga hirgelinta doorashooyinka dadban ee dowlad goboleedka Galmudug ayaa faah faahin ka bixiyay waxyaabaha u qabsoomay iyo halka ay wax u marayaan hanaanka doorashooyinka aqalka Hoose.
Afhayeenka guddiga hirgalinta doorashooyinka heer dawlad goboleedka Galmudug, Yuusuf Diiriye Maxamuud ayaa shaaca ka qaaday in 2-da bishan oo maanta ku began ay bilaabayaan diiwaan galinta musharixiinta ku loomamaya kuraasta aqalka hoose ee Baarlamanka, waxaana uu intaa ku daray in ay diiwaan galiyeen ilaa 969-Ergo oo dooran doona 19-Xildhibaan oo ka mid noqon doona Baarlamanka Federaalka.
“Kuraasta laga rabo aqalka hoose ee Galmudug waa 36 , waa hadda na soo gaaray 29 kursi, oo 19 ka mid ah ay dhameystirmeyn, halka 10-ka kale ay wax yar u harsanyihiin, waxaana dhiman 7 kursi oo kaliya, Maanta oo Arbaco ah waxaan warqadihii aqoonsiga siineynaa 19-ka kursi oo dhamaatay” ayuu yiri Afhayeenka.
Mudane Yuusuf Diiriye Maxamuud ayaa sheegay in guddigaasi ay u qabsoomeen howlo badan oo ka mid ah kuwa loo igmaday, isla markaana ay ku rajo weyn yihiin in ay ku guuleystaan howsha loo xilsaaray, ayna dhameystiri doonaan ergada maalmaha soo socda.
