Guddiga Horumarinta Adeegga Bulshada ee Golaha Shacabka BJFS ayaa maanta kulan ku yeeshay xarunta guddoonka iyo guddiyada ee Villa Hargeysa, waxaana kulanka shir guddoominayay guddoomiyaha guddiga horumarinta adeegga bulshada Xildhibaan Nadra Saalax Cabdi.
Ajendaha kulanka waxa uu ahaa ka doodista kalfadhiga shanaad ee guddiga iyo soo bandhigista qorshe -howleedka Guddiga.
Xubnaha guddiga ayaa isla falanqeeyay sidii loo dardar gelin lahaa howlaha guddiga oo ay ugu horeeyaan dhameystirka sharciyadii hore iyo sharciyada cusub ee horyaala guddiga kuwa horutabinta leh,waxaana ay xubnaha guddiga soo dhoweeyeen xubin cusub Xildhibaan Qaladla Cali Cawaale oo guddiga kusoo biirtay.
